Rooney ringtu Savage

Wales midfielder hlui Robbie Savage chuan England captain turin Wayne Rooney tluka hruaitu nih tling an awm loh thu a sawi chhuak.

Manchester United academy aṭanga inzir chhuak, Leicester City-a hming chher zui ta Savage chuan, "England squad thlirin hruaitu nih tling pakhat chiah ka hmu a, chu chu Rooney hi a ni. Eu-ro-pean Championship-a Iceland nena an inkhel kha thlir ila captain armband hreng tlak dang ka hmu lo," tiin Rooney chu captain ni chhuzawm zel atana a duh thu a sawi.

England manager Sam Allardyce chuan tun kar chho hian captain tur a tichiang dawn a, Rooney hian captain armband a hreng lo a nih pawhin ram tana khelh zel a duhthu a lo sawi tawh a ni.