Tuten nge Champions League khel ṭhin?

Europe-a football club-te inelna sang ber Champions League group stage-ah hian club 32 an tel ṭhin. Ram tin club thawh theih zat a inang lo a, co efficient ranking-a a sang pathum Spain, England leh Germany ten club pali an thawh thei a, palina erawhin group stage thleng turin playoff round an khelh a ṭul thung.

Champions League leh Europa League champion tan hmun ruak pakhat ve ve dah a ni a, amaherawhchu ram khatin club panga aia tam an thawh thei lo. Season liam ta khan Champions League champion chu Real Madrid an ni a, Europa League champion chu Sevilla an ni. Spanish club ve ve an nih avangin La Liga pangana Athletic Bilbao an vanneih phah lo, Sevilla hi pasarihna ni mah se Europa League-a an champion vangin kuminah hian an tel a, Real Madrid pawh La Liga-ah Barcelona hnuaiah awm mah se nikuma an champion avangin seeded zingah an tel ang.

Group Stage lut nghal hi club 22 an awm a, hmun-ruak 10 dang erawh Champions Route leh League Route hmanga hnawh khah a ni.

Champions Route

Champions Route-ah hian ram khat champion chauh an tel thei a, heng ram-te hi coefficient ran-king-a an san tawk loh a-vang-in group stage aṭang-in bul an ṭan ve thei lo. Scotland (Celtic), Croatia (Dinamo Zagreb), Denmark (Copenhagen), Austria (Red Bull Salz-burg), Czech Republic (Vik-toria Plzen) te hi Cham-pions Route khel
ṭhin ram langsar zual a ni.

League Route

League Route hi mah-ni rama champion pha si lo te kalkawng a ni thung. Spain, England leh Germany club-te chuan an ram league-a palina chinin playoff round an thleng nghal a; Italy leh Portugal-ah chuan an ram league-a pathumna chinin League Route round hnuhnung ber hi an khel ve bawk.