Dortmund an chak nuamsa

Thawhṭanni zan khan Borussia Dortmund chuan German Cup first round khelin fourth division club Eintracht Trier chu 3-0 in an sawp.

Kum 1997 khan Eintracht Trier hian rin loh takin Dortmund hi 2-1 in an lo hneh tawh, tun
ṭumah erawh Thomas Tuchel-a'n chetsual palh theih a ni tih hriaiin a player ṭha a luhtir a - Shinji Kagawa goal hnih leh Andre Schurrle goal khat khung hmangin nuamsa takin hnehna an chang a, season hmasa Bundesliga top scorer Pierre-Emerick Aubameyang chuan goal khung theihna hun ṭha a neih a chhawr
ṭangkai thei lo nual bawk.

Dortmund tan hian Bayern Munich aṭanga an lak let hlim Mario Gotze a inlan lo, 2014 World Cup-a German champion na goal khungtu hi a malpuiah hliam tenau a tawrh vanga inlan lo niin manager chuan a sawi.

Tuchel chuan, "Goal kan khung hma avangin inkhelh a awlsam phah a, second half-ah phei kha chuan goal tam tak khung thei dinhmunah kan ding. Kan tlar hnung a phui ṭha em em a, ka naute khelh dan khan min ti lawm hle. League match kan khelh hunah pawh hetianga
ṭha hian kan khelh chhunzawm theih ngei ka beisei," a ti.

Season hmasa Bundesliga pahnihna Dortmund hian Inrinni zan dar 7:00 hian tun season-a an league match hmasa ber atan Mainz an mikhual ang.

Kartawp khan Bayern Munich pawhin German Cup-a an match hmasa ber an lo khel tawh a, striker Robert Lewandowski goal thum bakah midfielder Arturo Vidal leh defender thar Mats Hummels te goal hmangin fourth division club Carl Zeiss Jena chu 5-0 in an lo sawp tawh bawk.