Sunderland-in Sakho an duh lo

Liverpool chuan an central defender Mama-dou Sakho chu loan-a hawh theih a nih thu Sunderland hnenah hrilh mah se Black Cats hian French defender hi an mamawh lo!

Sunderland hian tlar hnung lamah John O'Shea chu hliam vangin an chan mek a, centre-back Lamine Kone chu pound maktaduai 18-a Everton-in an beisei bakah Younes Kaboul chu Watford lamah kaltir a ni bawk. Hetichung hian Black Cats hian Sakho hi an duh lo niin khawthlang media-te chuan an tarlang.

Liverpool hian ni-pui transfer bazar-ah centre-back pahnih Ragnar Klavan leh Joel Matip an lalut tawh a, nunchang
ṭhat loh vanga US pre-season tour aṭanga thawn haw Sakho hi Klopp chuan fitness lama hma a sawn zawk theih nan loan-a chhuahtir duh mah se Sunderland manager David Moyes chuan Sakho position-a khel turin Papy Djilobodji a duh zawk a, player dang a zawng!

Sunderland hian zan-in dar 12:15 ah EFL Cup second round khel turin League One club Shrewsbury Town chu an mikhual ang.