Mustafi-a'n inkhel bul ṭan lo

Arsenal nena sawi zawm Shkodran Mustafi chuan Valencia-in La Liga match hmasa bera Las Palmas 4-2 a an hneh loh
ṭumin bench-ah ṭhuttir a ni.

Thawhṭanni zan in-khelah hian mikhual Las Palmas hian vawi li chiah goal khung tumin pet mah se goal-ah an chantir vek avangin Mestalla Stadium-a Valencia ṭantute an hawi hai hle.

Valencia-in minute 6 leka Santi Mina goal khung hmangin hma hruai mah se Las Palmas lamin Marko Livaja, Jonathan Viera leh an player thar Kevin-Prince Boateng hmangin an chhang let. Minute 31 a nih chuan mikhual team hi 3-1 in hma an hruai tawh a, minute thum hnua Santi Mina goal hnihna hmangin Valencia-in beiseina thar an nei.

Second half ṭan-tirh--ah Germany inter-na-tio-nal defender Mus--tafi chu bench aṭanga luhtir a ni a, amaherawhchu Las Pal-mas tan Marko Livaja-a'n minute 88-naah goal khungin 4-2 in inkhel a tawp.