Wolves zawmtu Borthwick-Jackson

Manchester United defender Cameron Borth-wick-Jackson chuan Championship club Wol-verhampton Wanderers chu tun season chhung loan-a khel turin a zawm.

Kum 19-a upa United academy chhuak hian nikum November thlaa West Bromwich Albion an hmachhawn ṭumin Red Devils tan a inlan a, English full back hian United tan vawi 14 a inlan tawh.

Borthwick-Jackson hi season liam ta Under-21 Player of the Year atan thlan a ni a, Old Trafford-a cham turin June 2020 thleng contract a ziak.

English left back Borthwick-Jackson chuan, "Ka tum chu a tam thei ang ber khelh a ni a, tawnhriat neih hnua kir leh ka tum. Jose Mourinho-a'n United-ah hmabak ka neih thu min hrilh a, theihtawp ka chhuah ang," tiin a sawi.

Wolves hian United de-fender bakah hian Benfica forward Ola John chu season khat chhung loan-a khelturin an lalut bawk.