Djokovic leh Serena An dinhmun ngaiah

Thawhṭanni khan ATP leh WTA chuan mipa leh hmeichhe ran-king thar a ti chhuak a, Novak Djokovic leh Serena Williams te chu pakhatnaah an la awm ve ve. Hetihlai hian Djoko-vic (14 840) leh number 2 Andy Murray (9 305) te inthlauhna erawh a zim hret hret thung.

June 5 a khelh zawh tak French Open-a Serbian thiampuipa Djokovic-a'n a elpui Murray a hneh hnu-ah a che ṭha chhun-zawm lo a, hetihlai hian Mur-ray erawh a che ṭha chhunzawm thung, Wim-bledon, Rogers Cup leh Rio Olympic-ah te a champion vek bakah Cin-cinnati Master-ah final a lut bawk - tuna an inthlauhna chu point 5535 a ni mek.

Hmeichhe lamah Grand Slam vawi 22 champion tawh Serena paih thla thei an la awm lo a, tournament hnuhnung bera champion zo lo German nula Angelique Kerber chu pahnihnaah a lungawi a ṭul, an inthlauhna erawh point 190 chiah a ni tawh thung.

Kuminah hian Grand Slam pakhat US Open bakah Master Finals khelh tur an la nei a, hengahte hian Murray hi champion ve ve mah se Djokovoc tan a dinhmun hloh tur chuan a inlan loh a ngai hial. Hetihlai hian hmeichhe lamah erawh Kerber tan number 1 ni turin kawng thui zawh a ngai tawh lo thung.

ATP Ranking Thar

# Player Ram Points

1 Novak Djokovic SRB 14 840

2 Andy Murray GBR 9 305

3 Stanislas Wawrinka SUI 4 980

4 Roger Federer SUI 4 945

5 Rafael Nadal ESP 4 850

6 Milos Raonic CAN 4 805

7 Kei Nishikori JPN 4 165

8 Tomas Berdych CZE 3 570

9 Marin Cilic CRO 3 515

10 Dominic Thiem AUT 3 205