Brazil squad-ah Olympic star

Olympic champion Brazil chuan 2018 Russia World Cup qualifier-a Ecuador leh Colombia hmachhawn tur player 23 hming a puang a, heng zingah hian Rio Olympic-a an ram gold medal lak puitu player pasarih ngawt koh an ni. Captain Neymar, Gabriel Jesus leh Gabigol te chu hming langsar an ni.

Manchester City ma-nager Pep Guardiola lakluh thar Jesus bakah Taison, Rafael Carioca, Fagner leh goalkeeper Weverton te hian khelhna hmun an chang a nih chuan senior level-ah ram tana an match hmasa ber an khel ang.

Coach Tite koh loh zingah captain hlui Thiago Silva chu 2015 Copa America hnulamah ram tana koh a la ni leh lo a, ani bakah hian Luiz Gustavo, Douglas Costa, Ricardo Oliveira, Alexandre Pato leh Hulk te chu koh loh zinga hming langsar an ni.

World champion vawi nga ni tawh Brazil hian World Cup qualifier bul an ṭan ṭha lo a, match ruk khelh tawh aṭangin parukna an ni mek. South America aṭang hian a sang pali chu World Cup khel turin an tling nghal dawn a, panganain playoff an khelh a ngai thung ang.

Brazil coach Tite chuan, "Tuna koh te hi match khelh hmabak pahnih atan chauh an ni a, rin reng tur an ni lem lo. Player ṭhenkhat Europe lama inkhelte chu club lamah an la inlan tam tawk lo a, hei hi koh an nih loh chhan pawh a ni, an tan kawng a ping tihna a ni kher lo," a ti.

Neymar chawl dawn

Barcelona-in Rio Olym--pic-a Brazil gold medal dawn puitu Ney-mar chu Barcelona-in chawlh an pe. Pathiannia Catalan club-in Athletic Bilbao an hmachhawn hunah Neymar hi a la inlan thei dawn lo a, a teammate Ra-finha erawhin vawiin hian club training a zawm ang.

Neymar hi Barca boss Luis Enrique phalna thlapin 'international break' zawhah club-ah hian a let dawn a, September thlatir hian 2018 FIFA World Cup qualifier khelh a ni dawn. Barcelona forward chawlh an pek chhan hi Brazil tana koh a nih vang a ni a, Rafinha erawh gold medal la zingah tel mah se World Cup qualifier khel tur zinga koh a nih ve loh avangin chawlh pek rei a ni lo.

Barcelona forward Neymar hian Germany an hneh ṭumin freekick aṭanga a pet luh bakah penalty shootout aṭangin chakna goal a khung bawk.

Goalkeepers: Alisson (Roma), Marcelo Grohe (Gremio), Weverton (Atletico Paranaense)

Defenders: Daniel Alves (Juventus), Fagner (Co­rinthians), Marcelo (Real Madrid), Filipe Luis (Atletico Madrid), Gil (Shandong Luneng), Marquinhos (Paris Saint-Germain), Miranda (Inter Milan), Rodrigo Caio (Sao Paulo).

Midfielders: Casemiro (Real Madrid), Giuliano (Zenit), Paulinho (Guangzhou Evergrande), Rafael Carioca (Atletico Mineiro), Philippe Coutinho (Liverpool), Lucas Lima (Santos), Renato Augusto (Beijing Guoan), Willian (Chelsea).

Forwards: Gabriel (Santos), Gabriel Jesus (Palmeiras), Neymar (Barcelona),Taison (Shakhtar Donetsk).