Arsenal legend nih duh Auba

Pierre-Emerick Aubameyang-a'n Arsenal tan season thum daih contract a pawtsei a, inremna thui zawk an ziah hnu lawkah Auba hian Gunners legend nih a duh thu a sawi chhuak a, goal khung chuah ni loin nomawi lian tham chawi ngei a tum.

Gabon international Auba chuan, "Arsenal tana contract thar ka ziah chhan chu he hmunah hian sulhnu ropui hnutchhiah ka duh a, engtik niah eawm Arsenal legend la nih ka duh vang a ni," tiin a sawi.

North London club tan Aubameyang hian match 111 a khelh aṭangin goal 72 a khung der tawh, Premier League bikah match 86 aṭangin goal 55 a khung thei. Tun season an match hmasa bera Fulham an hneh ṭum pawhin goal a khung.

Mikel Arteta enkawl Arsenal hian an league match pahnihna atan zanin dar 12:30 hian Emirates Stadium-ah West Ham an mikhual dawn a ni.