National Games an sawn hla

Goa-a nghah tur National Games vawi 36-na chu Covid-19 vangin a hun pangngaiah neih theih a ni dawn lo. Union Sports minister Kiren Rijiju chuan a hun sawn a nih thu hi nimin khan Lok Sabha-ah a sawi.

Ruahman lawk dan chuan October 20 aṭanga November 4 chhung hian neih tura tihna a ni a, mahse hri leng vangin a hun sawn a ngai - inelna neih hun tur erawh tihchian a la ni lo thung.

Sorkar laipui chuan inelna thlengtu tur Goa hi inbuatsaih nan leh an hmun hma tihchangtlun nan cheng vaibelchhe 97.80 a pe chhuak tawh.

Khelo India University Games hmasa ber chu kumin February 20 aṭanga March 1 khan Odisha-ah hlawhtling taka neih a lo ni tawh a. University Games-ah hian University 158 aṭangin infiammi 3182 telin, infiamna chi 17-ah inelna an 

nei a ni.