Team ngai nena inlan tur Real Madrid
Spanish football-ah Lionel Messi-a'n Barcelona chhuahsan a tum thu a sawi rik zuk avangin La Liga champion Real Madrid ai pawhin Barca-in ngaihven an hlawh zawk.
Mahse, Messi-a cham dawn tih a chiang tawh a, Real lam kan hawi thei ve leh ta - Zinedine Zidane-a enkawl team hian Pathianni zan dar 12:30-ah Real Sociedad an lenchilh dawn.
Barcelona erawhin La Liga zinkawng an la zawh ve rih dawn lo a, Catalan club hian September 27-ah Villarreal hmachhawnin league-a an match hmasa ber an khel ve chauh ang.
A ngai tein...
Spanish football mai ni lo, European football-a transfer bazar inhawn apianga che na ber pawl ni ziah chu Real Madrid an ni a, mahse Spanish champion hian tun nipui transfer-ah erawh player lakluh an la nei miah lo!
Real hian loan leh transfer pangngaia player chhuahtir erawh 13 zet an nei tawh a, player langsar zingah James Rodríguez leh Achraf Hakimi chu loan ni loa chhuak langsar an ni.
Zidane-a'n chhawr belh tur lak lam aiin chhuahtir lam a tuipui rih zawk ni berin a lang a, hun rei tak buaina a lo neihpui tawh Gareth Bale pawhin loan-in Spurs a zawm dawn - he thuziak i chhiar meuh chuan a zawm fel tawh hial mai thei.
Silva telna Real
Zidane-a enkawl Real Madrid-in a ngai tein season bul an ṭan dawn a, amaherawhchu season hmasa La Liga nomawi an chawi miau avangin an inringtawk ang tih a chiang.
Pathianni zan La Liga inkhela ngaihvawn hlawh tak tur pakhat chu David Silva-a ni a, Manchester City legend hi Real kawr ha chungin a inlan dawn - a team erawh Madrid khaw club ni loin Real Sociedad zawk a ni ang.
Silva hi Lazio nen sawizawm an nichungin an ram lama kir a thlang zawk a, kum 34 mi midfielder hian Covid-19 kai vangin buaina tawk ve deuh mah se club training a zawm leh tawh avangin Pathianni zanah pawh inlan tura beisei a ni.
Zanin Inkhel Tur
Villarreal 07:30 PM Eibar
Getafe 10:00 PM Osasuna
Celta Vigo 12:30 AM Valencia
September 20, Pathianni Zan
Huesca 07:30 PM Cádiz
Real Betis 10:00 PM Real Valladolid
Granada 10:00 PM Deportivo Alavés
Real Sociedad 12:30 AM Real Madrid
Team Dinhmun
# Team Pld W D L GF GA GD Pts
1 Valencia 1 1 0 0 4 2 2 3
2 Granada 1 1 0 0 2 0 2 3
3 Osasuna 1 1 0 0 2 0 2 3
4 Real Betis 1 1 0 0 1 0 1 3
5 Huesca 1 0 1 0 1 1 0 1
6 Real Sociedad 1 0 1 0 1 1 0 1
7 Real Valladolid 1 0 1 0 1 1 0 1
8 Villarreal 1 0 1 0 1 1 0 1
9 Celta Vigo 1 0 1 0 0 0 0 1
10 Eibar 1 0 1 0 0 0 0 1
11 Atletico Madrid 0 0 0 0 0 0 0 0
12 Barcelona 0 0 0 0 0 0 0 0
13 Elche 0 0 0 0 0 0 0 0
14 Getafe 0 0 0 0 0 0 0 0
15 Real Madrid 0 0 0 0 0 0 0 0
16 Sevilla 0 0 0 0 0 0 0 0
17 Deportivo Alavés 1 0 0 1 0 1 -1 0
18 Levante 1 0 0 1 2 4 -2 0
19 Athletic Bilbao 1 0 0 1 0 2 -2 0
20 Cádiz 1 0 0 1 0 2 -2 0