De La Hoya a lo kir tawh dawn lo

American boxer ropui chawl ta Oscar De La Hoya chuan tun hnaiah ring chhunga kir leh tura sawi thuthang tam hle mah se boxing chu a chawlhsan hlen tur thu a sawi.

Kum 42-a upa De La Hoya hian kum 2018-a Manny Pacquiao a hneh loh hnuin boxing a chawlhsan a, kar hmasa khan ring chhunga zuang­lut leh tura a inngaih­tuah thu a sawi lang zauh nghe nghe.

Mahse, weight di­vi­sion pangaa champion ni thei De La Hoya chuan, "Ngun taka ka ngaihtuah hnu leh ka chhungte uluk taka ka rawn hnuin boxing aṭanga chawlh hlen mai hi ka tan a ṭha ber zawkin kan hria a ni," tiin a facebook-ah a tarlang.

De La Hoya hian June 22 khan ESPN hnen­ah khawvela boxer ṭha ber ber te nena an inhnek ṭhin chu a ngaih thu sawi­in boxing lama kir leh a ngaihtuah thu a sawi a ni.