MLS lamah Higuain a kal

Juventus chuan Gonzalo Higuain a chhuah tur thu an sawi chiang a, Argentine striker hian Major League Soccer team Inter Miami a zawm dawn - club leh mimalin inremna an nei tawh, a contract rei zawng erawh tarlan a ni lo.

Kum 32 mi Higuain hian July, 2016 khan Napoli aṭangin Juventus hi pound maktaduai 75-in a zawm a, a hunlaia Turin club player manto ber a ni. Old Lady tan hian match 149 khelin goal 66 a khungsak hman.

Kar hmasa khan Miami Airport-ah Higuain hi club neitu zinga mi Jorge Mas nen hmuh a ni a, tun kar Ningani khan Inter Miami manager Diego Alonso chuan inremna chu a fel lek lek tawh niin a lo sawi tawh bawk, he thu ziak i chhiar chuan contract an ziak fel tawh ang - Inter Miami neitu zingah hian  David Beckham a tel bawk. 

Higuain hian Juve a zawm tirh khan beiseina a sang hle, mahse Italian champion hian an duh leh beisei ang erawh an hmu ta lo niin a lang. AC Milan leh Chelsea lamah loan hmangin an chhuah tir a, manager thar Andrea Pirlo-a'n hna a zawm hnuah striker hi a chhuah a phal thu a 

sawi bawk.