Milan tan Ibra a inlar

Ningani zan Europa League qualifier inkhelah Zlatan Ibrahimovic leh Hakan Calhanoglu te goal hmangin AC Milan chuan Shamrock Rovers 2-0 in an hneh.

Ibrahimovic leh Calhanoglu ten mawi taka ball an inpek tawn hnuah Swede striker hian minute 23-naah goal hmahruai a khung a, Italian club hi League of Ireland club laka chungnung chhunzawmin second half-ah an goal hnihna an khung leh bawk.

Milan hi Financial Fair Play dan leh hrai an bawhchhiat avangin season hmasa khan European football khel thei lo tura hrem an ni. Hrem an nihna an hmang zo a, kuminah hian tun hma lama an ropui tawh ṭhinna ang kha neih leh an tum ang.

Italian champion vawi 18 ngawt ni tawh Milan hian Serie A an khelh chhunzawm a ngai dawn. September 21, Thawhṭanni zan dar 12:15-ah season thara an league match hmasa ber atan Bologna an mikhual zui leh ngal dawn a ni.