Europe Award Ka phu - Griezmann

Atletico Madrid star Antoine Griezmann chuan Cristiano Ronaldo leh Gareth Bale te khuma Best Player in Europe Award dawn a phua a inhriat thu a sawi chhuak.

Kum 25-a upa Griez-mann hian season hmasa khan La Liga-ah goal 22 khungin a club hi pathumna a nihpui a, Champions League final hruai thlengin a chak lo lamah an ṭang thung. Club tana a chetṭhat ang thoin ram tan pawh a
ṭangkai chhunzawm hle.

Euro 2016-ah khan France tan goal ruk khung-in Golden Boot a dawng a, final-ah Portugal hneh lo mah se Griezmann sulhnu hi sawi nep theih a ni lo ang.

France international chuan, "Langsar leh nasa taka sawi chhuah kher a
ṭul lo, mah se club leh ram tan kum ṭha tak ka hman avangin he chawimawina dawn hi ka phu vein ka hria. League-ah kan van-duai a, final vawi hnihah a chak lo lama ka ṭang kha a pawi bawk," a ti.

Best Player in Europe Award dawng tura hming langsar ber chu Ronaldo a ni. Ani hian Real Ma-drid-in Champions League nomawi an chawi theih nana goal 16 a khung bakah an ram chuEuropean champion a nihpui a, ani bakah Bale hian season hmasa khan hlawhtlinna a lo chang ve bawk.