Wenger-a'n a hma hun a hre lo

Arsenal manager Arsene Wenger chuan North London club a chhuahsan hunah engtiangin nge hun a hman chhunzawm zel dawn tih a la hriat loh thu a sawi chhuak.

Wenger chuan, "Football hi ka nuna bet tlat a ni a, kalsan ka hreh hle. Ka chawlh hun tur hi ka nghak rei a nih chuan a harsa telh telh dawn. Ka chawlh hunah enge ka tih chhunzawm dawn ka la hre lo," tiin a sawi.

Premier League manager zinga mahni hna ngai chelh rei ber hian tun season bak hi Emirates Stadium-ah hun a nei tawh lo a, contract a ziak thar a nih loh chuan season tharah a duh lam lam a hawi thei ang.

French manager chuan sawi chhun-zawm-in, "Hnehna kan chang zawn thei a nih chuan miin min fak a,
ṭhianṭha kan ngah ṭhin. Point kan hmu ṭha lo a nih erawh chuan sawiselna leh deusawhna hi kan dawng hnem ṭhin hle. Tu pawhin hnehna chan an duh vek a, manager tan phei chuan a tlawm zawka ṭhan hi a hrehawm tak zet," a ti.

Tun season-ah Gun-ners hian league match vawi hnih khel tawhin point khat an hmu tawh. Liverpool an hneh loh hnuah Leicester City nen an inhnehtawk - Inrinni zan dar 7:30-ah Watford nen an inhmachhawn leh ang.