Kum ṭha bik a ni - Bale

Khawvela player manto pahnihna Gareth Bale chuan season liam taa a hun hman dan a thlir kir a, kum ṭha bik leh theihnghilh theih tawh loh tur a nih thu a sawi chhuak.

Real Madrid star Bale hian a club chu Cham-pions League nomawi a chawipui bakah Euro 2016-ah khan khawvel barakhaihin Wales chu semifinal a hruai thleng. Tunah hian Europe a player ṭha ber thlan chhuah tura chhawp chhuah pathum zingah a teammate Cristiano Ronaldo leh Atletico Madrid forward Antoine Griezmann te nen an awm ho mek.

Tottenhman pla-yer hlui chuan, "Chawi-mawina hi pakhat tan chauha buatsaih a nih avangin kan vaiin kan dawng thei dawn lo tih chu a chiang a, a sang pathum zinga ka tel hi ka tan a chuan a lawmawm hle tawh. Real tana Champions League nomawi ka chawi kha season liam taa ka thil tawn ropui ber a ni a, ram tan hun nuam leh hlimawm ka hmang bawk," a ti.

Bale chuan sawi chhunzawmin, "Season kan hman liam tak kha ka tan chuan kum ṭha bik a ni a, ka theihnghilh tawh ngai lo ang. Mimal chawimawina dawn chu a chakawm hle a, a pawimawh ber erawh a huhoa hlawhtlinna chan hi a ni," tiin a sawi.

Real Madrid hian tun season an league match hmasa berah Real Sociedad 3-0 in an hneh tawh a, Inrinni zanah Celta Vigo an lo mikhual leh ang.