French Open en thei zat ti tlem

Covid-19 leng vel karah French Open 2020 chu a hmuna entu awm chungin an khel dawn a, mahse an beisei ang zatin an en thei dawn lo. French Tennis Federation (FFT) chuan stadium chhunga fans lut thei zat chu an tihniam.

FFT-in a ruahman dan chuan nikhatah inkhel entu 11,500 zel an awm thei ṭhin ang, hemi tur hian ticket pawh zawrh chhuah a ni tawh. Mahse, tun hnaiah an ramah hri leng a hluar leh deuh a, fans hi 5,000 chauh an lut thei dawn a ni.

"Tournament khelh dan tur hi kawng hrang hrangin kan ruahman tawh ṭhin, ruahmanna awm sa pawh tih danglam leh a ngai. Sport chauh ni loin hriselna leh ei leh bar thlenga kan chhut tel a ngai a ni," tiin an dinhmun an 

sawifiah.

September 15, Thawh-lehni khan France ram pumpuiah coronavirus kai thar mi 10,593 hmuh chhuah an ni a, an rama hri leng an hmuh chhuah hmasak ber aṭanga chhutin ni khat thil thua kai an tam ber ṭum a 

ni hial.