An bazar danah Arteta a lawm lo

Football thlasik bazar hun a liam a, striker lakluh tum mah se Arsenal chuan an lalut ta lo - coach Mikel Arteta chuan an bazar danah a lawm lo tih a sawi a, chutihrualin club thuneitu lamin thutlukna an siam chu a pawm tih a sawi bawk.

Arsenal hi an striker Gabriel Jesus chu hliam vangin a chawl a, forward rinrawl Bukayo Saka pawh hliam vang bawkin a chawl mek - tlarhma lamah duhthlan tur an ngah lo, match khelh tur a tam avangin player mamawh belh niah an inngai.

Mahse, club thuenitu lamin an duh ang tak lak an nei ta rih lo. Arteta chuan, "Bazar hun a inhawn khan, kan club tana ṭha tur leh min ti chak thei tur kan mamawh tih ka sawi a, kan dah ang vek erawh chuan thil a ka ta lo.

"Player thar kan lak loh avangin kan hnual tihna erawh a ni lo, player naupang zawk ten inkhelh theihna hun remchang an hmuh tam phah a, midang zawng zawng pawh khelmuala lut turin an inpeih phah bawk," tiin a sawi.

Gunners hian Premier League hmahruaitu Liverpool an um mek a, season chawhnu lam hmang ṭanin match a hautak chho hle, an hmatawng lam zingah hliam an neih belh a nih chuan buai zual thei an ni.