Match hmasa berah Raducanu chak lo

Emma Raducanu tan khua a var thei rih lo - British nula hi Abu Dhabi Open khelh laia a match hmasa berah a chak lo ngal, a tan season ṭha a la inher chhuak thei tih lo.

Kum 22 mi Raducanu hian Marketa Vondrousova a hmachhawn a, duhsak taka wildcard an pekna chu a hmangṭangkai thei lo - Wimbledon champion hlui Vondrousova lakah 6-3, 6-4 in a chak lo a ni.

US Open champion hlui Raducanu hian a tir lamah a khingpui service chhuhsakin 3-1 in hma a hruai thei, mahse a ding tlang zo ta chuang lo. Vondrousova hi dar (shoulder) hliam vanga thla khat chawl hlim kha a ni a, tunah chuan ṭha takin a inkhel thei leh ta a ni.

Wimbledon 2023 champion Vondrousova hian a match lehpekah chuan, seeded palina Yulia Putintseva a hmachhawn leh ang.