PSV-ah Malacia a kal

Manchester United defender Tyrell Malacia chuan PSV Eindhoven chu loan hmangin a zawm a, tun season tawp thleng chu Dutch club tan hian a khel dawn tihna a ni, a ngheta le theih tur ang erawhin an ziak lo.

Kum 25 mi Malacia hian kum 2022 July thla khan Feyenoord aṭangin Man United hi a zawm, pound maktaduai 13 man a ni - season li daih contract a ziak a, hliam vangin match a la khel tam tawk lo; thla 17 chhung ngawt a hliam a ni.

A khup hliam vawi hnih zai a ni tawh a, tun season kal laiah inelna hrang hrangah match riat a khel tawh - Ruben Amorim kaihhruaina hnuaiah hmun pawimawh a chang phak lo, inkhelh tam theihna tur hmun a pan.

Thlasik bazar chhungin Manchester United hian Denmark wing-back Patrick Dorgu chu Lecce aṭangin an lalut a, kum nga leh a chanve daih inremna an ziak, season chawhnu lamah a hmel kan hmu chho a nih pawhin a mak lo ang.