Arsenal laka lungawi lo Coleman

Wales manager Chris Coleman chuan a player pawimawh Aaron Ramsey hliam tawrh chung-changah-in season bul an
ṭan tir mai kha mak a tih thu a sawi.

Ramsey hi Euro 2016-ah khan Wales player pawimawh leh
ṭangkai niin July 1-a Belgium nen quarterfinal an khelh thleng khan ram tan a inlan a, semifinal-ah erawh hrem vangin a inlan lo thung.

August 14 khan Gunners hian tun season-a an league match hmasa ber khelin Emirates Stadium-ah Liverpool 4-3 in an hneh lo a, he inkhelah hian Ramsey hian inkhel bul
ṭan mah se malpui na vangin thlak a ngai.

Coleman chuan, "Ka hmuh dan chuan Ramsey khan season bul a ṭan lo turah ka ngai. France-ah khan ani pawhin season bul a ṭan a rin loh thu a sawi. Ani a hliam hi a pawi ka ti a, ka ngaihdan chuan a hliam kha ven theih a ni," tiin a plyer duhlai chu club lamin an chhawr hma lutuk deuha a hriat thu a sawi.

Coleman hian a player pawimawh a chan vanga a lungawi lohna chu manager dangte pawhin an hriatthiam thu a sawi zui bakah, Arsenal player a nih avanga a chunga thuneitu chu club an nih thu leh North London club chu a doldal a nih hran loh thu a sawi lang tel bawk.