Cristiano Ronaldo a dam hnai

Cristiano Ronaldo chu khelmual chhungah kan hmu leh hnai ta. Euro 2016 final zana a khup hliam vangin Portugal captain hi a la inkhel leh lo a, tunah chuan training a nei ve leh tawh.

Ballon d'Or chawi-mawi-na vawi thum dawng tawh Ronaldo hi Real Madrid in an league match hmasa bera Real Sociedad 3-0 a an hneh
ṭum khan entuah a ṭang a, kartawpa Celta Vigo an hmachhawn hunah chuan Santiago Bernabeu-ah a inlan ve tawh hial mai thei.

Kum 31-a upa Ronal-do chuan, "Ka ṭha tawh hle, ka lo kir hnai tawh e," tiin instagram-ah an training lai video nen a tarlang a ni.

Ronaldo hian season hmasa khan Real Madrid tan match 48 a khelh
aṭangin goal 51 a khung a, a club hi La Liga-ah pahnihna nih puiin Cham-pions League-ah a champion pui thung - Gareth Bale leh Griezmann te nen UEFA's Best Player in Europe award dawng tura chawp chhuah an ni.

UEFA.com hnenah Ronaldo chuan Euro 2016 chungchang sawiin, "Ka ngaihdan chuan Euro khelh zawh taka player ṭha ber chu Pepe a ni, ani khan nomawi kan chawi theih nan a thawhhlawk em em a, kan himna kulhpui nghet ṭha tak a ni," a ti.

Atletico Madrid for-ward Griezmann-a'n Euro-ah khan goal ruk khungin top scorer leh best player chawimawina a dawng kawp. Ronaldo-a'n UEFA's Best Player in Europe award dawng tura a elpui mek ai chuan a teammate Pepe ṭha zawka a hriat thu a sawi hi a mak lo.