Champions League Russian club Rostov-in Ajax an dang
UEFA Champions League-ah Ajax-in Amsterdam-ah Rostov draw mah se Russia ramah 4-1 in an mualpho a, Dutch club lar hian season hnih chhung chu Europe inelna sang berah a inlan dawn ta lo.
Rostov hi Russian Premier League-ah season liam ta khan tla thei tur zingah chhiar ni mah se season tawpah erawh champion thei tur khawpin an che ṭha a, pahnihna niin season an khar. Hei vang hian Premier League champion Leicester City nen khaikhin hial an ni a, team
ṭha an ni tih lantir nan Rostov hian Ajax an sawp leh bawk.
Borussia Monchenglad-bach-in Young Boys chu 6-1 in an sawp a, inkhel pahnih belhkhawmah German club hi 9-2 in an chak. Bundesliga club tan hian Eden Hazard-a unaupa Thorgan Hazard leh Raffael ten hattrick an siam ve ve a, Swiss team-in German club hi an ngam lo hrim hrim.
FC Copenhagen chu APOEL Nicosia nen 1-1 in inhnehtawk mah se Denmark club hian an mualah 1-0 a hnehna an chan avangin Cyprus club an tla. Croatian club Dinamo Zagreb-in Aus-trian club Red Bull Salz-burg chu 2-1 in an hneh a, inkhel pahnih belhkhawmah Zagreb hi 3-2 in an chak.
Nizan khan Monaco-ah Cham-pions League draw neih a ni a, he thu i chhiar meuh hi chuan Europe club ṭha 32 te awmna group awmna a hriat tawh ang.
UCL-a ni pawimawh
13-14 September Group match hmasa ber
6-7 December Group match hnuhnung ber
14-15/21-22 Feb Round of 16, first leg
07-08/14-15 March Round of 16, second leg
11-12 April Quarter-finals, first leg
18-19 April Quarter-finals, second leg
02-03 May Semifinals, first leg
09-10 May Semifinals, second leg
03 June Final (Millennium Stadium, Cardiff)
Champions League
khel tur club 32 te chu
Pot 1 : Real Madrid (Spain), Barcelona (Spain), Leicester City (England), Bayern Munich (Germany), Juventus (Italy), Benfica (Portugal), Paris Saint-Germain (France), CSKA Moscow (Russia).
Pot 2 : Atletico Madrid (Spain), Borussia Dortmund (Germany), Arsenal (England), Manchester City (England), Sevilla (Spain), Porto (Portugal), Napoli (Italy), Bayer Leverkusen (Germany)
Pot 3 : Basel (Switzerland), Tottenham Hotspur (England), Dynamo Kiev (Ukraine), Lyon (France), PSV Eindhoven (Netherlands), Sporting Lisbon (Portugal), Club Brugge (Belgium), Borussia Monchengladbach (Germany)
Pot 4 : Celtic (Scotland), Dinamo Zagreb (Croatia), Monaco (France), Besiktas (Turkey), Legia Warsaw (Poland), Ludogorets Razgrad (Bulgaria), FC Copenhagen (Denmark), Rostov (Russia)
Note
1. Team 32 te hi group pariatah ṭhenhran an ni dawn a, group khatah hian team pali zel an awm ang.
2. Group khatah hian ram khat club a awm dun theih lo a, chumi awmzia chu Spain club Real Madrid leh Atletico Madrid te hi pot hranah awm mah se group khatah an awm dun lo ang.
3. Group khatah hian pot tin aṭangin team pakhat zel dah an ni.
4. Draw hi nizan khan Monaco-ah neih a ni.