EFL Cup Premier League champion hmaah Blues
English Football League Cup second round khelh zawh a ni a, third round-ah Premier League champion Leicester City leh Chelsea an inhmachhawn nghal dawn. Premier League 2014-15 season-ah Chelsea-in nomawi an chawi a, season leha an nomawi kawllai chhuhsaktu chu Leicester City an ni.
Season hmasa chawhnu lamah Foxes umtu Tottenham Hotspurs leh Chelsea an inhma-chhawn a, match hnih hmabak la nei Leicester champion tichiang tur chuan Spurs-in hnehna an chan zawh loh a ṭul. Team pahnih 2-2 in an inhneh-tawk a, Foxes lawmna thlentu chu Champions League pawh beisei phak tawh lo Chelsea an ni. EFL Cup-a an inhmachhawn turah erawh Foxes lawmna thlen nawn Blues-in an duh lo ang.
Premier League club lian zingah Arsenal chuan Cham-pionship club Nottingham Forest an lenchilh dawn a, second division club Burton Albion laka goal nga surtirtu Liverpool-in Championship club tho Derby County an len-chilh dawn bawk.
Manchester khaw club pahnih zingah City zinkawng a hautak zawk dawn. Pep Guardiola naute hian Premier League club ve tho Swansea City an lenchilh dawn a, United-in khualmualah League One club Northampton Town an hmachhawn bawk ang.
Tottenham Hotspurs zin---kawng a awlsam dawn a, an khelmualah League One club Gillingham F.C an mikhual ang a, West Ham-in Accrington Stanley an hmachhawn bawk ang. Premier League club pahnih Southampton leh Crystal Palace an inhmachhawn dawn a, EFL Cup third round inkhel hmuh-nawm tur zinga beisei a ni.
Januzaj a inlar
Jose Mourinho hnuaia hmun pawimawh a chan phak inbeisei loin Adnan Januzaj-a'n loan-in Sunderland a zawm a, EFL Cup-ah Black Cats tana a goal hmasa ber khungin League One club Shrewsbury lakah 1-0 in hnehna an chang.
Sunderland tan Steven Pie--naar leh kum 17-a upa mid-fielder Joel Asoro ten an hun
ṭha neih an chhawr theih loh avangin third round an luhna tur nemnghet turin an nghah rei a ngai a, he inkhela goal awmchhun hi minute 83-naah lut ve chauhin Queen Park Rangers an hmachhawn leh ang.
Boro an chuai
Premier League kaithar Mid-dlesbrough-in league match hnih an khelh tawhah tlawm hmel la hmu lo mah se EFL Cup lamah erawh Fulham an ngam lo a, 2-1 in a tlawm zawkah an ṭang.
Boro-in inkhel ṭan aṭanga minute 8-na lekah David Nugent hmangin goal khung mah se defensive midfielder Julien De Sart-a'n an lamah ti lutin Championship club si phurh a sut sak a, extra time-ah Lasse Vigen Christensen chuan Fulham chakna goal khung chhunzawmin Boro an tlawm.
Lawm rei lo Burnley
Burnley-in Premier Lea-gue-a an match hnihnaah Liverpool 2-0 in an hneh a, an phur vanglai takin League Two club Accrington Stanley chu 1-0 in an hneh lo. Minute 90 chhung goal a luh loh hnuah extra time khelh a ni a, a vannei zawk chu Accrington an ni.
Team pahnihin penalty an pet tawh mai dawna a lan hnu minute 120-naah Matty Pearson chuan he inkhela goal awmchhun hi a khung a, Burnley players an hawihai a, Accrington player-te an sapatal - London Stadium-ah Hammers an lenchilh ang.
Cherries an chak
Bournemouth-a ṭum hnih lai loan-a khel tawh Marc Wilson-a'n season ṭan dawnah Stoke City aṭangin a nghetin Cherries a zawm a, Bournemouth tana a debut match vawi thumnaah goal a khung.
Premier League club hian Morecambe chu 2-1 in an hneh a, Max Gradel-a'n goal hmahruai a khung hnuah League Two club tan Cole Stockton-a'n an si phurh sut mah se Marc Wilson hian Cherries chakna goal a khung ta a ni.
League Cup Third Round Fixture
Nottingham Forest Vs Arsenal
Leeds United Vs Blackburn Rovers
QPR Vs Sunderland
West Ham Vs Accrington Stanley
Southampton Vs Crystal Palace
Swansea City Vs Manchester City
Fulham Vs Bristol City
Bournemouth Vs Preston North End
Tottenham Vs Gillingham
Everton Vs Norwich City
Derby County Vs Liverpool
Northampton Vs Manchester United
Brighton Vs Reading
Newcastle United Vs Wolves
Stoke City Vs Hull City
Leicester City Vs Chelsea