Newcastle-ah Spurs defender

Championship club Newcastle United-in an hun hman tawh ṭhinna English club te zinga inelna sang ber Premier League-ah kir leh an tum hle a, an squad ti chak turin kum nga chhung atan United States international defender DeAndre Yedlin chu Tottenham Hotspur aṭangin an lalut a, a man erawh tarlan a ni lo thung.

Kum 23-a upa Yedlin hian season hmasa khan Sun--derland chu loan hmanga zawmin match 25 a inlan, a club pangngai Suprs tan erawh khelhna hmun a chang mumal lo hle - season hnih chhungin ṭum khat chiah a inlan ve a ni.

Magpies manager Rafael Benitez chuan, "English football a tawn-hriat nei tam leh hnuhma nei ṭha ve tak kan lalut thei hi ka lawm hle, goal venhim bakah a nawr lam thlenga pui thei a nih avangin club tan a ṭangkai hle ang," a ti.

Liverpool manager hlui Benitez hian tun nipui transfer chhungin player pakua ngawt a lalut tawh. Tun season legaue match vawi li an khelh tawh aṭangin Newcastle hian point ruk an hmu tawh a, table-ah pasarihna niin hmahruaitu Huddersfield chuan point 10 an hmu tawh thung.