Europe club dang zawm tum lo Schweini

Manchester United midfielder Bastian Schweinsteiger chuan Old Trafford-ah mamawh a nih loh thu hrilh ni mah se a chhuak a nih pawhin European club dang zawm a tum loh thu a sawi.

Germany captain hlui hian thla hmasa khan international football a chawlhsan a, manager thar Jose Mourinho-a'n chhawr a tum loh avangin youth team zingah training a nei mek.

Kum 32-a upa midfielder chuan, "MUFC hi Europe-a ka club hnuhnung ber a ni dawn. Club dang ka zah em em a, mah se Manchester United chiah hi Bayern Munich chhuahsan tlak khawpa ka ngaih chu a ni. Team-in min mamawh a nih chuan ka inpeih a, hei hi ka tun dinhmun chu a ni," tiin twitter katlangin a ziak.