Kerala Blasters-ah midfielder thar

Indian Super League club Kerala Blasters chuan season thar atan Chad international midfielder Azrack-Yassine Mahamat an lalut. Kum 28-a upa defensive midfielder hian season hman zawh takah khan Greek Super League club Levadiakos tan a khel a ni.

Ligue 1 club AJ Au-xer-re youth system chhuak midfielder hian Spanish club Espanyol, Bulgarian club langsar
ṭhin Lokomotiv Sofia leh Greek Super League club Platanias tan a lo khel tawh a, Europe-ah tawn-hriat a ngah tawh hle.

Chad tana vawi 14 inlan tawh midfielder chuan, "India ram, a bik takin ISL inelna hi a sang tawh em em a, Kerala coach Steve Coppell enkawlna hnuaia khelh hlan ka nghakhlel em em a ni. Kum 13 leka upa ka nih laia academy-a inzir tura thlan ka nih khan ka lawm em em a, khatiang taka lawmna ang kha tunah hian ka nei leh chiah a ni," tiin Kerala tana a khel tur chu a lawm thu a sawi.