Sion-in Balotelli lakluh an duh

Swiss Super League club Sion president Christian Constantin chuan Liverpool striker Mario Balotelli chu lakluh tuma inbiakna an neihpui thu a sawi. Reds manager Jurgen Klopp-a'n Italian striker hi a ruahmannaa a tel loh thu a hrilh avangin youth team zingah training a nei mek.

Kum 26-a upa striker hi Serie A club Bologna leh Sassuolo nen pawh sawizawm an ni a, mah se Hull City lama an forward Moussa Konate chan tur Sion chuan an striker hmun ruak luah turin Balotelli hi an duh avangin an be ve ta a ni.

Season hmasa Eu-ro-pa League group stage-a Liverpool nena lo inhmachhawn tawh Sion president Constantin chuan, "Balotelli kan bia tih hi zep tur a awm lo a, inbiakna kalpui mek a ni," tiin a sawi a, Reds striker lakluh theih an inbeisei.