Watford defender thar Daryl Janmaat

Premier League club Watford chuan Newcastle United full-back Daryl Janmaat chu kum li chhung atan an lalut, a man zat hi tarlan ni chiah lo mah se khawthlang media-te chuan pound mak-taduai 7.5 niin an tarlang.

Kum 27-a upa Janmaat hian season hnih chung chu Magpies tan khel tawhin match 77 a inlan aṭangin goal li a khung tawh. Amaherawhchu, tun season Championship match thum an khelh tawh-ah a la inlan ve lo thung.

Netherlands tana match 27 khel tawh defender hi 2014 World Cup semi-finalist squad-ah khan a tel ve a, inelna sangah tawn hriat a nei nual tawh. Inrinni zana Arsenal an lo mikhual hunah a club thar tana a match hmasa ber kheh theihna hun a nei ang.