US keeper Solo an hrem

USA hmeichhe team goalkeeper Hope Solo chu Rio Olympic-a an khingpui Sweden laka ṭawngkam mawi lo a hman avangin thla ruk chhung ram tana inkhel thei lo tura hrem a ni.

Rio Olympic hmei-chhe football quarterfinal-ah US leh Sweden te hun pangngaiah 1-1 a an inhneh-tawk hnuin penalty shootout-ah Sweden hi 5-4 in an chak. An chak loh hnuah kum 35-a upa Solo hian an khingpuite chu "Mi dawihzep awm-khawm" tiin a sawi chhuak a ni.

US Soccer president Sunil Gulati chuan Solo thusawi hi ngaihthah chi a nih loh thu a sawiin, "Nakkum February thla thleng ram tan a inlan thei lo ang," a ti.

Ram tana match 202 ngawt khel tawh Solo hi nikum January thla khan training naa a chet mawi loh avangin ni 30 chhung hrem a lo ni tawh bawk.