Hammers-in Bony an duh

West Ham manager Slaven Bilic chuan Manchester City forward Wilfried Bony lakluh a duh thu a sawi a, hetihrual hian an club zawm turin player tupawh a ngen loh tur thu a sawi.

Hammers hian striker Andy Carroll leh an club player manto ber Andre Ayew chu hliam vangin an chhawr thei lo mek a, an rim lai AC Milan striker Carlos Bacca chuan Italian club tana khelh chhunzawm a thlang bawk.

Bilic chuan Bony chung--chang sawiin, "Pla-yer ṭha tak a ni a, ka player pahnihte an inhliam hma pawhin forward lakluh ka lo tum tawh sa avangin a rem lehzual a ni. Tunah hian player biak lai kan nei nual a ni," tiin striker thar lakluh an tum thu a pha lo.

Croatian manager chuan Bacca an lakluh loh chhan sawi nghalin, "An duh loh chunga player lakluh ka tum lo a, an induh kual vel chuan kalsan a ni mai. Bacca hian betu a neih tam thu min hrilh a, hei vang hian kan chawlhsan a ni. Real Madrid emaw Manchester United ni lo mah ila he club chhuanawm tak tana inchhuang taka khel tur player chiah hi kan mamawh chu a ni," tiin player thlem lungawi ngai lakluh a tum lo.