Murray a inrintawk

World number 2 Andy Murray chuan kumina Grand Slam hnuhnung ber tur US Open chu inrin-tawkna sang tak nen a khelh theih tur thu a sawi chhuak.

Britain tlangval hian a vawi hnih nan Wim-bledon title a lak hnuah Rogers Cup-ah a champion zui a, Rio Olympic-ah khan singles-ah gold lain mipa tennis player zinga Olympic singles champion vawi hnih ni thei hmasa ber a ni. A zawnin match 22 chhung zet a chak tluan hnuah Cincinnati final-ah Marin Cilic hneh lo mah se inrin-tawkna a hloh phah lo.

Kum 29-a upa Murray chuan, "Ka hmuh dan chuan tun hnaiah hian tennis ka khelh ve tawh hun chhunga ka khelh
ṭhat ber lai ka tawng mek a ni, inelna ka hmachhawn hnuhnung pasarihah final ka lut vek a, hetiang thil hi tun hmain ka la tawng ngai lo. Kumina inelna kan la neih turah pawh hian inrintawkna sang tak nen court chhungah ka lut thei ang," a ti.

Grand Slam vawi thum champion tawh Murray hi US Open-ah hian seeded pahnihna a ni dawn a, a kaltluang a nih pawhin final hma chu world number 1 Novak Djokovic nen an inhmachawn dawn lo. Serbian tlangval hi French Open final-a a hneh loh kha a ni.