Barca-in Pogba lei an tumna kan hnawl - Marotta

Juventus managing director Beppe Marotta chuan Barcelona-in euro maktaduai 80-a Paul Pogba lei an tumna an hnawh thu a sawi.

France international midfielder Pogba hi Barca, Real Madrid leh Manchester City te nen an sawi zawm a, Italian champion hnen aṭanga lakchhuah erawh a awlsam dawn lo tih a chiang.

Nilaini khan Pogba chung­changah Marotta leh Barca hotute an inbia a, inremna an nei thei lo.

Juventus managing director Marotta chuan, "Barcelona-in euro maktaduai 80-in Paul Pogba lakchhuah min dil a, Juventus-in leichhuah kan phal lo. Club pa­hnih inbiakna boruak erawh a ṭha a, Pogba chungchangah erawh in­remna kan nei thei lo," tiin a sawi.

Barcelona hian Pogba an duh tih an zep lo a, UEFA Champions League final-a Catalan club-in Barca 3-1 a an hneh ṭum khan Barca president Josep Bartomeu chuan French midfielder an duhthu a lo sawi tawh.

Kum 22-a upa Pogba hian Manchester United aṭangin Juven­tus hi a zawm a, Italian club hi Serie A title pathum leh Coppa Italia title pakhat a lak pui a, 2014 FIFA World Cup-ah khan Best Young Player a thlan a ni.