Southampton-in Osvaldo contract an titawp

Southampton-in club record transfer fee-a an lak luh Dani Osvaldo contract an titawp.

Kum 29-a upa Italy striker hian October 2013 khan pound maktaduai 15-in Roma aṭangin Saints a zawm a, kum li daih contract ziak mah se Prmeier League match 14-ah goal thum chauh a khung.

January 2014 khan training-naah a teammate Jose Fonte nen an intibuai a, hemi hnu hian Osvaldo hi hrem zui niin Saints tan a khel leh tawh lo.

Osvaldo hi loan-in Juventus, Inter Milan leh Boca Juniors-ah te a kal kual a, Argentina-a piang Osvaldo hian Italy tan match 14-ah goal li a khung.

Roma striker hlui hi Italian club Bologna leh Lazio ten an lak luh tumin an hel mek.