St Etienne player thar Benoit Assou-Ekotto

Cameroon defender Benoit Assou-Ekotto chuan kum khat chhung cham turin French Ligue 1 club St Etienne a pan.

Kum 31-a upa Totten­ham defender hlui hi season hman zawh takah khan Spurs tan a inlan lo a, kum 2013 khan loan-in Queen Park Rangers alo zawm tawh bawk.

Kum 2014 World Cup-a Cameroon tana a khelhpui Benjamin Moukandjo nen an intihbuai hnua ram tana la khel leh lo Ekotto chuan, "Tunah chuan St Etienne player ka ni ta. Football a ka kir leh theih avangin ka lawm hle," a ti.

Kum kua White Hart Lane a hun a hman chhungin Assou-Ekotto hian Spurs tan match 200 lai a khel hman a, goal li a khung a ni.