Hamburg-ah Lewis Holtby a nghet

Bundesliga club Hamburg chuan Tottenham aṭanga loan-a an hawh lai Lewis Holtby chu pound maktaduai 4.6-in an la lut.

Premier League club Spurs aṭangin Holtby hian nikum September thla khan loan-in German hi a pan a, a club thar hi season hmasa khan League-ah point 27 hmuh puiin an inhamtang hram.

Season thara Bundesliga khel leh turin Hamburg hian playoff-ah Karlsruher chu 3-2 in an hneh a, he inkhelah hian Holtby pawh inlan vein player ṭangkai berte zinga ami ani nghe nghe.

Attacking midfielder hian kum 2013 khan Tottenham hi a zawm a, mahse White Hart Lane-ah hiann vawi 25 chiah a inkhel hman. Nikuma Hamburg a zawm hma hian EPL club tho Fulham-ah loan-in a lo kal tawh bawk a ni.