Wolfsburg-in De Bruyne hralh an tum lo
German club Wolfsburg director of sport Klaus Allofs chuan rimtu ngah tak an player chhuanvawr Kevin De Bruyne chu chhuah tir tumna an neih loh thu sawiin contract thar an zawrh thuai tur thu a sawi.
Belgium international De Bruyne hian season hman zawh takah khan competition hrang hrangah a club tan goal 16 a khung a, Manchester City, Paris Saint-Germain leh German champion Bayern Munich ten an club-ah lakluh tumin an hel mek nia sawi a ni.
Mahse, De Bruyne chu zawrh lai a nih loh thu Allofs chuan sawiin, "Kevin hian kan hnena cham turin 2019 thleng contract a nei a, amah beiseitu club te hnenah zawrh lai a nih loh thu ka sawi tawh. A contract neihlai pawh hi kan bihchiang leh anga, pawisa tam zawk kan chhawpchhuah sak ang. Player ṭha chuan an hlawh ṭha mai tur a ni tih hi kan ngaihdan a ni a, reilo teah contract thar pawh hi kan ziah fel theih kan beisei a ni," a ti.
Season hman zawh takah khan Wolfsburg hi Bundesliga-ah pahnihna niin German Cup-ah an champion bawk a, hengah te hian De Bruyne hi an player thawhhlawk ber pawl a ni.