Gundogan-a'n contract a pawtsei

Manchester United-in Ilkay Gundogan an la lut dawn lo. German international midfielder hian a khelh mekna Bo­russia Dortmund-ah kum 2017 thleng contract a ziak.

Kum 24-a upa Gun­dogan hian 2011 khan FC Nurnberg aṭangin euro maktaduai liin Dortmund-in an lei chhuak. Ger­many-a piang Turkish midfielder hian Dortmund tan match 117-ah goal 12 a khung tawh a, assist vawi 14 a nei tawh bawk.

Gundogan hi Eu­rope-a midfielder ṭha ber zinga chhiar tel a ni a, amaherawhchu inhliam vanga thla 14 zet a chawl a, a rawn let hnuah ngai a la awh zan lo.

Dortmund hi an manager Jurgen Klopp-a'n chhuahsan mah se player pawimawh Marco Reus leh Gundogan-a'n contract a pawtsei theih avangin season tharah Bundesliga-ah Bayern Munich elpha thei tura ngaih a ni.