Netherlands manager thar Blind

Guus Hiddink-a'n Nether­lands coach hna a bansan hnuin a assis­tant Danny Blind chu Netherlands team enkawl turin ruat a ni.

Player a nih laia Ne­ther­lands tana vawi 42 lai lo inlan tawh Blind hian a vanglaia ropui taka a lo khel tawh ṭhinna Ajax chu season khat chhung a lo enkawl tawh a, coach puitling angin tawnhriat a la ngah lo hle.

Blind a thlak tak kum 68-a upa Hiddink hian Thawhṭanni khan thla sawm lek Netherlands a enkawl hnuin a beisei ang result a neih pui theih loh avangin a chhuahsan a ni.

South Korea leh Rus­sia boss hlui hian Russia hi match sawm a kaihhruai chhungin vawi li chak puiin vawi nga a chak loh pui a, vawi khat an khingpuite a hnehtawk pui thung. Euro 2016 qualifying Group A-ah Netherlands hi pathumna an ni mek a, pakhatna Iceland aiin point nga laia hniamin Czech Republic chu point thumin an pha lo bawk.

Kum 53-a upa Blind tan ngaihdam dil chunga Hiddink-a'n a chhuahsan Netherlands dinhmun ṭha lo khaichhuah hi a hautak hle ang.