Shaqiri-a'n Stoke a pan

Stoke City chuan an club transfer record fee ni turin pound maktaduai 12-in Xherdan Shaqiri chu Inter Milan aṭangin an la lut.

Kum 2001-a Stoke-in Peter Crouch-a man atana pound maktaduai 10 an lo hman tawh chu Shaqiri man hian a rawn khum a ni.

Kum 23-a upa midfiel­der hian January thla khan Bayern Munich aṭangin Inter hi a pan a, ball thiam leh player fing tak a nih avangin club dang pawhin lakluh tumin an lo ngaihven ve hman hle.

Switzerland attacking midfielder hian an ram tan match 46 khel tawhin goal 17 a khung tawh a, season hmasa khan Inter tan match 20 a khelh aṭangin goal thum a khung bawk.

Stoke hian Shaqiri an lakluh hma hian striker Jo­se­lu chu Hannover aṭanga an lakluh tawh bak­ah goal­keeper Jakob Hau­gaard chu FC Midtjyl­land aṭangin an lo la lut tawh bawk.