Coates-a'n Sunderland a zawm

Sunderland chuan Liverpool aṭangin defen­der Sebastian Coates an la lut a, season hmasa a loan-a an lo lakluh tawh player man zata an insen zat hi puanzar a ni lo.

Kum li Liverpool-a a cham chhunga vawi 17 chiah inkhel bul ṭan thei Coates hian season hman zawh takah khan Black cats (Sunderland sawina) tan match 13 a khel a, hliam vangin inkhel tam lo mah se season tawp lam relegation battle-ah a ṭangkai em avangin Sunderland hian a nghet­in an la lut ta a ni.

Kum 24-a upa Uru­guay international hi Dick Advocaat hnuaia Sun­der­land player hmasa ber niin Dutch coach hi Sunderland neitu Ellis Short chuan player lak­luhna tur sum ṭhahnem tak a pe nia sawi a ni.

Sunderland sporting director Lee Congerton chuan, "Sebastian hi season hman zawh taka kan player pawimawh ber pawl a ni a, kan hnenah a ngheta a cham thei tur hi kan lawm hle," a ti.