Arsenal-ah Shkodran Mustafi leh Lucas Perez

Premier League pa-hnihna Arsenal chuan de-fender Shkodran Mustafi leh striker Lucas Perez an lalut dawn a, nimin khan player pahnihte hi medical nei tura ruahman niin he thu i chhiar meuh chuan contract ziak fel tawh tura ngaih an ni.

Gunners hian league match vawi hnih khelh tawhah point khat chiah an la hmu a, champion châka tuihal Gunners fan-ten an player neihsa an duhkhawp lo a, manager Arsene Wenger pawh an zah zo tawh lo a - an lung-awi lohna an lantir fo.

Valencia defender Mus-tafi man zat tur hi pound maktaduai 35 vel ni tura sawi niin kum nga daih contract a ziak ang. Tlar hnung pawp Arsenal tan Germany international defender hi mamawh chhan-na a ni thei tura ngaih a ni.

French manager Wen-ger-a'n striker palian Oli-vier Giroud thachhang dawl-tu a zawng a, pound maktaduai 17 vel man tur nia tarlan Perez hian Emi-rates Stadium-ah Giroud aiin hmun lailum a chang zawk hial mai thei.

Kum 27-a upa Perez hian season hmasa khan Deportivo La Coruna tan La Liga match 37 a khelh aṭangin goal 17 a khung a, ram inelna lamah Spain tan la inlan lo mah se Everton pawhin an lo hel tawh hi goal khung thiam a ni tih erawh a chiang.

Player thar tur chung-chang zawhna chhangin Wenger chuan, "Inremna siam turin hma kan la mek a, 99%-in anni hian kan hneh an rawn pan ang tih ka chiang," a ti. An player lakluh turte hi ṭum danga an lo dawr tawh ṭhin aia lakluh awlsam an nih a beisei lai-in a harsa ber pawl an nih thu a sawi tel bawk.

Wenger chuan zawhna chhangin, "Fan-ten ka lakah rinna an nghat ngam a, ka thutlukna siamah an lungawi ni pawhin ka hria. Kei chuan kan club hmasawnna tur leh kan mamawh hi ka ngaih pawimawh leh duh chu a ni," tiin manto uchuak taka player lakluh a tum loh thu a sawi.

Tun season-a chak la nei lo Arsenal hian zanin dar 7:30 hian tun season-a an league match thumna khel turin Watford an len chilh ang.