Juventus hmaah Lazio

Zanin dar 9:30 hian Serie A champion lai Ju-ventus chuan tun season-a an league match hnihna an khel dawn a, khualmualah Lazio an lenchilh ang.

Juve hian tun nipui chhungin Alvaro Morata, Paul Pogba leh Roberto Pereyra te chhuahtir mah se Gonzalo Higuain, Miralem Pjanic, Medhi Benatia leh Dani Alves te an lakluh avangin nikum aiin an squad hi a chhah zawk hial mai thei.

Season hmasa top sco-rer Higuain hi an match hmasa bera Fio-ren-tina an hmachhawn ṭum khan bench-ah ṭhuttir a ni a, Ar-gentina international hian khelmuala a luh aṭang-a a ball khawih hmasak ber chu goal-ah chantirin a club tan point thum a hlawh chhuak nghal.

Pound maktaduai 75 man striker hian 'a thau' tia sawiseltute chu khelmual chhungah goal hmangin a chhanglet tawh a, zanin hian coach Mas-similiano Allegri-a'n inkhel bul a
ṭan tir beisei a ni.