MFA Super Cup Final - 2:00 PM Chanmari FC Vs Aizawl FC
MFA Super Cup final-a inhma-chhawn tur Chanmari FC leh Aizawl FC hotute an ṭawng huai ngam lo a, an thusawi vangin pressure insiam belh an tum lo. Eng pawh chu ni se Mizoram club lian pahnih hi vawiiin chawhnu dar 2:00 hian Lammualah an intawng dawn a, neutral supporter-te hriatthiam bakin boruak a sang tih hai rual a ni lo.
Khelmual pawn
Aizawl FC-in season liam taa I League leh Federation Cup khela an buai laiin Chanmari FC-in an squad thuam chak turin nasa takin hma an la a, MPL season hnuhnung pahnih final-a an hneh loh AFC chunga awm leh an tum.
Federation Cup final-ah David Lalrin-muana hrem vangin a khel thei lo a, Mohun Bagan hmachhawn tura Guwahati-a zin zingah R. Malsawmtluanga a zin ve lo. MPL2 best player hian Fed Cup zawh hnu lawk hian Chanmari FC a zawm a, MS-a hnung hi Lalmuanzova leh Thomas Lalengkima ten an zui bawk. Hemi hma hian BVT aṭangin coach Lalsangzuala Hmar bakah an player pawi-mawh Lalruatfela Zote, C. Lal-muan-awma, Ramfangzauva, Lal-rammawia leh MS Dawngzela te an lakluh tawh bawk avangin Chanmari FC-in season ṭan an cho tawh hle.
Aizawl FC-in an elpui Chanmari hliam lo a transfer tihtawp an duh lo. Zo United aṭanga Mizoram right back Lalrinzuala Khiangte an lakluh rualin CFC aṭangin Chanmari tlangval Lalhriatrenga an chhuhsak hram. Tualchhung player lak kawngah Aizawl FC an che
ṭha tawk lo a, chumi hliahkhuh tur chuan Ghanaian striker Bright Middleton Mends lalut mah se captain David Lalrinmuana leh MS-a thlakna tur atana an dawr Nigerian midfielder chu visa fel loh vangin tun thlengin an lalut thei lo.
Chanmari FC manager Mawi-tea chuan, "Tualchhung player an duh duh an khawn khawm tawh a, an lak bang hi MPL team sarih hian kan inchuh ve nawk nawk a ni," tiin Vanglaini palai a hrilh a, an elpui transfer laia an chetsualna chu a hai der ve tlat.
Hetihlai hian Aizawl FC coach K. Malsawmkima chuan, "Season
ṭan dawn khan chuan inelna hmasa pahnihah hian final kan lut nghal ang tih ka ngaihtuah pha lo. Kan player-te an naupang em em a, amaherawhchu season kan ṭan chhoh hnuah erawh ka beisei phak bakin an ṭha a ni," tiin I League-a an player-te thlak nana academy naupang an chhawr chungchang a sawi.
An intawng ta
Aizawl FC hi history thlirletin Chan-mari FC lakah huai zawk mah se transfer hun laia an chet-
ṭhat tawk lohna a lang a, kumin I Day Football-a an intawn ṭumin Lalsangzuala Hmar hoten K. Malsawmkima naute an hneh nghal. Amaherawhchu Mala kaihhruai Aizawl FC puitlinna a lang a, chak loin season ṭan mah se nomawi nen inelna hmasa ber an khar.
Chanmari FC erawh ṭul loah an buai a, midfielder MS-a leh defender C. Lalrosanga ten hrem an tawh avangin ngai an awh lo. I Day Football semifinal-ah awlsam taka chak an tum laiin Ramhlun North lakah an mualpho. MPL kaithar an hneh loh avangin Chanmari FC-ah nghawng lian tak a nei a, player-ten inrintawkna an hloh bakah entu mipui an tlem phah bawk.
Harththarna
Chanmari FC-in insiamṭhat nan MFA Super Cup an hmang a, second division club Zarkawt FC leh MPL club Zo United an hmachhawn
ṭumin tlar hnung buai deuh mah se Mizoram Police an hneh meuh chuan goal an chhuah tawh lo. Hei chauh hi a ni lo, MPL club Chhinga Veng leh Dinthar FC hnehtu Police hi Chanmari FC hian 5-0 in an sawp.
Ramhlun South tlangval Mal-sawmfela chu Chanmari FC player pawimawh a ni a, MFA Super Cup match thum khelh tawhah goal khung vekin Police lamah hattrick a siam. Aizawl FC coach Mala pawhin, "Sawmfela leh a kawppui Fela Zote te hi player ṭha bik an ni. Chutihrualin kei pawhin player
ṭha ka nei ve tho a, Police an hneh
ṭum ang kha chuan Sawmfela chu a langsar tawh lo ang," tiin Chanmari FC forward dahṭhat dan tur an duan thu Vanglaini palai a hrilh.
Chanmari FC hian MFA Super Cup-ah harhtharna an chang a, I Day Football semifinal lo ang takin final-ah hian player hrem tawk an awm lo. Sanga hote hian vawiin hian Aizawl FC an hneh lo a nih chuan chhuanlam tur an nei lo ang.
Team huaisen
Aizawl FC hi an player thlirin club dang aia an chungnunna a awm bik lo a, an striker Mends pawhin mamawh hunah goal a khung thei lo. Ghanaian striker hian BVT leh Chawnpui FC an hneh ṭumin goal a khung lo a, first division club laka chakna goal khungtu hi defender Lalrinzuala Khiangte a ni.
Mizo club zinga I League khel hmasa ber hian I Day Football-ah awlsam taka chak an nei lo a, MFA Super Cup-ah a danglam lo. Amaherawchu hei erawh hriat a ṭha, Mala hote hian an huaisen vangin tun season match pawimawh chinah chak loh an la nei lo.
AFC coach Mala'n semifinal-ah a player pawimawh ṭhenkhat a awltir a, final-ah erawh player hrem an neih loh bawk avangin an ṭhat theih dan berin Chanmari FC an hmachhawn thei tawh ang.
Entu tam
Aizawl FC-in ṭantu an ngah dawn tih chu I Day Football final-ah a chiang tawh a, Chanmari FC hi ṭantu lama ngaihtuah awm zawk chu an ni. MPL ṭantirh chho vela awmze neia zai rual dual dual ṭhin Chanmari FC-in tun season-ah khelmual pawnah thawm an la nei ring lo.
Chanmari FC ṭantute hi K. Kawla Stand leh S. Malsawm-tluang-a Stand-ah an ṭhu dawn a, Zomuanthanga Stand leh Zohminga Stand-a ṭhu tur Aizawl FC ṭantute tana thawm an nei ring lo a nih chuan Chanmari Veng tan pawh mualphona chi khat a ni thei ang. Lammual tlang lam erawh neutral supporter tana dah a ni a, MFA Super Cup kalphung thar final hmasa ber hi en loh phal chi a ni lo ang.
FINAL KALKAWNG
Last 16
Zarkawt FC 2 - 4 Chanmari FC
ZAR : Johny VL Muanpuia 37', 81'
CFC : Malsawmfela 11'; Lalruatfela 32', 86'; Lalrinchhana 67'
Aizawl FC 3 - 0 Bungkawn FC
AFC : Bright Middleton Mends 60', 90+1';
Rohmingthanga 88'
Quarterfinal
Zo United FC 2- 3 Chanmari FC
ZUFC : Lalnunpuia 34'; Lalbiakkima 90+4'
CFC : Malsawmfela 13'; Ṭhasiama 52';
C. Lalmuanawma 90+2'
Aizawl FC 0 - 0 Bethlehem VT
Penalty Shootout-ah AFC 4-1 in an chak
Semifinal
Mizoram Police 0 - 5 Chanmari FC
CFC : Malsawmfela 3', 33', 49'; R. Malsawmtluanga 48';
Lalmuanzova 52'
Aizawl FC 1 - 0 Chawnpui FC
AFC : Lalrinzuala 68'
Aizawl FC 10 - 6 Chanmari FC
Tualchhung football club ṭha pahnih hi vawi 17 an intawng tawh a, vawi khat chauh an inhnehtawk. Aizawl FC-in vawi 10 hnehna an chang tawh a, Chanmari FC vawi ruk an chak ve tawh bawk.
MIZORAM PREMIER LEAGUE
MPL1 Qualifier
Aizawl FC 2 - 1 Chanmari FC
MPL1
Aizawl FC 0 - 2 Chanmari FC
Chanmari FC 0 - 1 Aizawl FC
MPL2
Aizawl FC 0 - 2 Chanmari FC
Chanmari FC 2 - 1 Aizawl FC
MPL3
Chanmari FC 0 - 1 Aizawl FC
Aizawl FC 1 - 1 Chanmari FC
MPL3 FINAL
Aizawl FC 1 - 0 Chanmari FC
Chanmari FC 3 - 2 Aizawl FC
Penalty Shootout-ah Aizawl FC 4-2 in an chak
MPL4
Aizawl FC 3 - 2 Chanmari FC
Chanmari FC 0 - 1 Aizawl FC
MPL4 FINAL
Aizawl FC 3 - 0 Chanmari FC
I DAY FOOTBALL
2012 - Semifinal
Aizawl FC 2 - 1 Chanmari FC
2014 - Semifinal
Chanmari FC 1 - 2 Aizawl FC
2016 - Group Stage
Aizawl FC 1 - 2 Chanmari FC
I LEAGUE 2ND DIVISION - 2015
Aizawl FC 2 - 3 Chanmari FC
Aizawl FC 4 - 2 Chanmari FC
MFA Super Cup
2013 - 4th October
Chanmari FC 3 - 1 Dinthar FC
CFC : K.Lalchhanhima 29',59' ; Lalruatfela 75'
DFC : Lalnunmawia 38'
2014 - 29th August
Chanmari FC 3 - 2 Dinthar FC
CFC : Lalrinchhana 2'; Vanlalpeka 8' (OG); Lalruatfela Zote 61'
DFC : Johny Lalfakzuala 39', 69'
2015 - 4th September
Bethlehem VT 2 - 1 Aizawl FC
BVT : MS Dawngliana 43'; Laldingngheta 86'
AFC : Michael Lalremruata 57'
* MFA Super Cup hi vawi thum neih a ni tawh a, tun hma lam chuan match khat chauh niin MPL champion leh I Day Football/MFA Cup champion an inkhel ṭhin.