England-in Pakistan an hneh

Inrinni khan England chuan ODI-ah wicket liin Pakistan an hneh a, one day series match nga khelh tur awmah 2-0 in hma an hruai mek.

Bat hmasa zawk Pa-kistan-in over 49.5-ah run 251 siamin an vaiin an out vek a, ball 130-a run 105 siamtu Sarfraz Ahmed chu Pakistan tana batsman langsar ber a ni. England tan fast bowler pahnih Mark Wood leh Chris Woakes ten wic-ket thum ve ve an la a, Pakistan batsman te chhaih mangangtu an ni.

England bat hun a thleng a, match hmasa zawka awlsam taka an hneh Pakistan lakah bul an ṭan ṭha lo hle. Opener Jason Roy chu run a siam hmain a out nghal a, a din pui Alex Hales pawhin run 14 bak a tlin loh avangin England an hawihai hman hle.

Mahse, Joe Root-a'n run 89 a vuak chhuah hnu-ah captain Eoin Mor-gan (68) leh Ben Stokes (42) ten ṭha taka an puihbawm avangin over 47.3-ah England-in an target an umpha der a, run 255 siamin mi paruk chiah an hloh - team pahnih hian Thawhlehni tlai dar 6:30-ah an match thumna an khel leh ang.