Fabregas tan hmun a awm lo

Jose Maourinho hnuai-ah player ṭangkai leh pawimawh ni ṭhin Cesc Fabregas-a'n Chelsea ma-nager thar Antonio Conte hnuaiah hmun a chang thei rih lo a, ram tan pawh koh loh zingah a tel.

Spain manager Julen Lopetegui-a'n an ram team a enkawl hnua a vawi khat nan September thlaa Belgium leh Liechtenstein hmachhawn tur a puang a, ram tana match 110 khel tawh Fabregas leh captain hlui Iker Casillas te hming a lang lo.

Manager hlui Vicente del Bosque-a'n Euro 2016 khel tura a hruai loh zinga mi Chelsea striker Diego Costa leh Manchester United midfielder Juan Mata te koh an ni thung.

Premier League player aṭangin Costa leh Mata bakah Manchester United goalkeeper David de Gea, West Ham keeper Adrian, Chelsea defender Cesar Azpilicueta leh Manchester City player pahnih David Silva leh Nolito te koh an ni.

Spain hian September 1-ah Belgium chu friendly match an khelh pui ang a, hemi hnuah 2018 FIFA World Cup qualifier-a an match hmasa ber atan Liechtenstein an hmachhawn leh ang.

Squad

Goalkeepers: David de Gea (Manchester United), Pepe Reina (Napoli), Adrian (West Ham)

Defenders: Sergio Ramos, Dani Carvajal (Real Madrid), Gerard Pique, Jordi Alba (Barcelona), Marc Bartra (Borussia Dortmund), Cesar Azpilicueta (Chelsea), Javi Martinez (Bayern Munich).

Midfielders: Sergi Roberto, Sergio Busquets (Barcelona), Saul Niguez, Koke (Atletico Madrid), Marco Asensio, Lucas Vazquez (Real Madrid), Thiago Alcantara (Bayern Munich), David Silva (Manchester City), Juan Mata (Manchester United)

Forwards: Paco Alcacer (Valencia), Nolito (Manchester City), Alvaro Morata (Real Madrid), Vitolo (Sevilla), Diego Costa (Chelsea).