Connecticut Open-ah Mirza te an champion

India tennis star Sania Mirza leh a kawppui thar Monica Niculescu te chuan inelna an hmachhawn hma-sak ber Connecticut Open-ah hlawhtlinna an chang nghal.

Indo-Romanian pair hian darkar khat leh minute 30 chhungin Kateryna Bondarenko leh Chuang Chia-Jung te ṭangdun lakah 7-5, 6-4 in hnehna an chang.

Double world number 1 Mirza leh Martina Hingis te chu hun rei tak an ṭandun hnu-ah an inṭhen a, tunah chuan Niculescu nen hian inrin-tawkna sang tak nen US Open an hmachhawn thei dawn a ni.