Delhi tana khel tur Malouda

Season hman zawh taka Delhi Dyna-mos tana khel tawh Florent Ma-louda chuan season tharah Delhi club tana khelh chhunzawm turin contract a ziak. Chelsea winger hlui hian Egyptian Premier League club Wadi Degla aṭangin Delhi hi a zawm ang a, karleha West Brom nen friendly match an khelh hunah inlan nghal tura beisei a ni.

Delhi Dynamos hian an tlar hma tichak turin Malouda bakah Brazilian winger Marcelo Leite Pereira an lalut bawk a, kum 29-a upa Atletico Madrid youth system chhuak hian Greek Super League Atromitos F.C tan pawh lo khel tawhin Europa League-ah hial tawnhriat a lo nei tawh.

Hetihrual hian Zico enkawlna hnuaia khel tur FC Goa chuan season hnih chhung an tana lo khel tawh defender Gregory Arnolin chu contract an ziahpui bawk a, Sporting Gijon defender hlui hian ISL 2 zawh hnuah khan a khup hliam vanga club zawm nei loin hun a hmang a ni.