NBA MVP atan Antetokounmpo

NBA chuan 2019-20 season chhunga player hlu ber an thlang chhuak leh ta a, nikum lama chawimawina dawng tawh Milwaukee Bucks star Giannis Antetokounmpo chu Most Valuable Player atan thlan a ni.

Kum 25 mi Anteto-kounmpo hian 'first-place votes' 101 zinga 85 a hmu a, a point hmuh belhkhawm chu 962 a ni. Pahnihna chu point 753 hmutu LeBron James a ni thung. Houston Rockets star James Harden (367 points) in a zui ve bawk.

Geece tlangval Antetokounmpo hian regular season hman zawh takah khan chawh rualin match khatah point 26.7, rebound 13.8 leh assist 5.7 zel nia chhut a ni a, mimalin che ṭha viau mah se a team hi conference final a luhpui phak lo.

Antetokounmpo chuan, "Ka lawmman dawn avang hian ka lawm, vawi hnih aia tam dawn theih ka duh. Chutihrualin ka duh ber chu NBA champion nih a ni," tiin mimal hlawhtlinna aiin team hlawhtlinna a ngaih pawimawh thu a 

sawi bawk.